काठमाडौं : रौतहटको मौलापुर नगरपालिका प्रमुख रिना साहले जिल्लामा लालबकैयाको कटान एवं क्षतिको बारेमा ऊर्जा, जलश्रोत तथा सिंचाई मन्त्री शक्तिबहादुर बस्नेतलाई ध्यानाकर्षण गराएकी छन् ।
सिंहदरवार स्थित मन्त्रालयमा आज पुगेर मेयर साहले केही दिन अगाडि लालबकैयामा आएको बाढीले पुर्याएको क्षति र बाँध कटानका बारेमा मन्त्री बस्नेतलाई ध्यानाकार्षण गराएकी हुन् । उनले बाँध निर्माण र पीडित परिवारको लागि क्षतिपूर्तिको माग गरेकी छन् ।
मन्त्री बस्नेतले उक्त घटनाका बारेमा आफू जानकार रहेको बताउँदै नदी नियन्त्रणका कार्यलाई तदारुकताका साथ अगाडि बढाउने प्रतिवद्धता व्यक्त गरेका छन् ।
भेटघाटमा देवाही गोनाही नगरपालिकाको पूर्वमेयर धर्मेन्द्र पटेल, पूर्वउपमेयर सिमल कुमारी साह लगायतका नेताहरूको सहभागिता रहेको थियो ।
पछिल्लो समय अत्याधिक बर्षासंगै लालबकैया नदीमा आएको बाढीले रौतहटमा क्षति पुर्याएको छ । केही दिन अघि मौलापुरकी मेयर साहले त्यसको निरिक्षण गर्दै यस बारेमा संघीय सरकारको ध्यानाकर्षण गराउँने पीडितलाई क्षतिपुर्ति दिलाउँन पहल गर्ने प्रतिबद्धता व्यक्त गरेकी थिईन् ।
यो खबर पढेर तपाईलाई कस्तो महसुस भयो ?
You need to select CUSTOM location to use this SHORTCODE
प्रतिक्रिया
सम्बन्धित खवर
