धनकुटा : नेपाली कांग्रेस धनकुटाको आन्तरीक विशेष अभियान अन्तर्गत आज भएको छुट्टा छुट्टै भेलाले नेपाल दलित संघ, भूतपूर्व सैनिक संघ र भूतपूर्व प्रहरी संघमा अध्यक्ष चयन गरी जिम्मेवारी प्रदान गरेको छ ।
नेपाल दलित संघ धनकुटाको आज सम्पन्न भेला मार्फत दलित संघका अध्यक्ष शिव विक नेपाली कांग्रेसको प्रदेश कार्य समितिको सदस्यमा मनोनित हुनु भएकोले जिल्ला उपाध्यक्ष नारायण विकलाई कार्यवहाक अध्यक्षको जिम्मेवारी दिईएको छ ।
यसैगरी नेपाल भूतपूर्व सैनिकहरुको भेलाले विर वहादुर थापालाई नेपाल भूतपूर्व सैनिक संघ धनकुटाको तदर्थ समितिको अध्यक्षमा चयन गरी भव्य रुपमा जिल्ला अधिवेशन गर्ने जिम्मेवारी दिएको नेपाल भूतपूर्व सैनिक संघ धनकुटाका निर्वतमान अध्यक्ष धन वहादुर खड्काले वताउनु भयो ।
यस्तैगरी भूतपूर्व प्रहरीहरुको आजै सम्पन्न भेलाले पूर्व प्रहरी संघको अध्यक्षमा मेघराज शाही, उपाध्यक्षमा पूर्ण वहादुर राउत, सचिवमा सुरेश कार्की, कोषाध्यक्षमा सन्तोष गिरी र सदस्यहरुमा राम कुमार राई, राम वहादुर रसाईली र दल वहादुर राईलाई चयन गरेको छ ।
आज चयन भई जिम्मेजारी प्राप्त गर्नु भएका भूपूसैनिक संघ धनकुटाका अध्यक्ष विर वहादुर थापा, भूपू प्रहरी संघ धनकुटाका अध्यक्ष मेघराज शाही लगायतका कार्य समिति र नेपाल दिल संघ धनकुटाका कार्यवहाक अध्यक्ष नारायण विकलाई नेपाली कांग्रेस धनकुटाका सभापति दिनेश राई, संविधान सभा सदस्य अञ्जना ताम्ली, जिल्ला सचिव विजय सन्तोषी राई, दलित संघका प्रदेशका वरिष्ठ उपाध्यक्ष रविन्द्र नेपाल, नेपाली कांग्रेस धनकुटका जिल्ला सदस्यहरु अम्विका परियार, मिन वहादुर कार्की, कार्यपालिका सदस्य रेजिना हिङमाङ्गले खादा माला तथा अविर लगाई बधाई दिदै पार्टी संगठन अब अझ दर्हो हुने वताउनु भयो ।
नेपाल दलित संघ धनकुटाको भेलामा स्वागत मन्तव्य उपाध्यक्ष धन वहादुर परियारले गर्नु भएको थिाय भने कार्यक्रमको संचालन सचिव ईन्दु दर्नालले गर्नु भएको थियो ।
नेपाल भूपूसैंनिक संघ धनकुटाका अध्यक्ष विर वहादुर थापा, भूपू प्रहरी संघ धनकुटाका अध्यक्ष मेघराज शाही, नेपाल दलित संघ धनकुटाका कार्यवहाक अध्यक्ष नारायण विकले अब आफुले पाएको जिम्मेवारी सक्रियताका साथ पुरा गर्दै नेपाली कांग्रेस धनकुटालाई दर्हो र बलियो बनाउदै हरेक निर्वाचनमा नेपाली कांग्रेसलाई धनकुटामा जिताउने उद्घोष गर्नु भएको छ ।
नेपाली कांग्रेस धनकुटका जिल्ला सभापति दिनेश राईले निर्देशन दिदै अब नयाँ ढंगबाट संघहरुलाई अगाडी बढाउदै नेपाली कांग्रेसलाई रुपान्तरण गरी सवैको प्रिय पार्टी बनाउन सहयोग गर्नु आग्रह गर्नु भयो ।
यो खबर पढेर तपाईलाई कस्तो महसुस भयो ?
You need to select CUSTOM location to use this SHORTCODE
प्रतिक्रिया
सम्बन्धित खवर
