धनकुटा : धनकुटा उद्योग बाणिज्य संघले आज करदाता सेवा कार्यालय धनकुटाबाट सरुवा भै जान लाग्नु भएकालाई विदाई र सरुवा भै आउनु भएका कार्यालय प्रमुखहरुलाई स्वागत कार्यक्रमको आयोजना गरेको छ ।

करदाता सेवा कार्यालय धनकुटाबाट सरुवा भै जान लाग्नु भएका कार्यालय प्रमुख भक्तराज निरौलालाई विदाई र सरुवा भै आउनु भएका कार्यालय प्रमुख सुजन थापालाई स्वागत गरेको हो ।

धनकुटा उद्योग बाणिज्य संघका अध्यक्ष विजय सन्तोषी राई, वरिष्ठ उपाध्यक्ष मन कुमारी तितुङ, उपाध्यक्ष खगेन्द्र थापा, सचिव राम वहादुर रायमाझी, कार्यकारी सदस्यहरु रेजिना पलिखे, रिदम श्रेष्ठ, उज्वल श्रेष्ठ लगायतले जान लाग्नु भएका कार्यालय प्रमुख निरौला र सरुवा आउनु भएका थापालाई खादा, माला र अविर लगाएर विदाई तथा स्वागत गर्नु भएको थियो ।

धनकुटा उद्योग बाणिज्य संघको तर्फबाट उहाँहरुलाई मायाको चिनो समेत अध्यक्ष विजय सन्तोषी राईले प्रदान गर्नु भएको थियो । सो अवसरमा विदाई गर्नु भएकोमा सरुवा भै जान लाग्नु भएका कार्यालय प्रमख भक्तराज निरौलाले धन्यवाद दिनु भयो भने सरुवा भै आउनु भएका कार्यालय प्रमुख सुजन थापाले धनकुटा उद्योग बाणिज्य संघसंग सहकार्य गरेर एक आपसमा सहयोग आदन प्रदान गरी काम गर्ने वताउनु भयो ।

अध्यक्ष विजय सन्तोषी राईले उद्योगी, व्यापारी र व्यावसायी अनी करदाता सेवा कार्यालय विच नङ र मासुको जस्तै सम्वन्ध हुनु पर्नेमा जोड दिनु भयो ।