डम्बरबहादुर विश्वकर्मा- लेटाङ्ग २२ चैत्र – सामुदायिक वन उपभोक्ता महासंघ लेटाङ्गको दोश्रो महाधिवेशन सभाले लेटाङ्ग ९ जाँते स्थित वसन्त हरियाली सामुदायिक वन उपभोक्ता समुहको अध्यक्ष होमनाथ सुवेदीलाई सम्मान गरेको छ ।
आफु निर्वाचित भएदेखि नै अध्यक्ष सुवेदिले संस्थालाई वनसुरक्षा सँगसँगै संस्थामार्फत आयआर्जन लगायत रोजगार मुलक कार्यमा जोड दिँदै आएकाले उहाँलाई सम्मान गरिएको सम्मान पत्रमा जनाईएको छ । अध्यक्ष सुवेदिले वन परिसर भित्र सुपारी सँगै तोरी वाली लगाई समुहमा वनको सन्तुलन कायम गरी “वातावरण मैत्री कृषि वन प्रणाली” मार्फत समुहमा रोजगारी तथा आयआर्जन बढाउने जस्तो उत्कृष्ट कार्यको थालनी गरेकाले अध्यक्ष सुवेदीलाई उक्त अवसरमा सम्मान गरिएको महासंघ लेटाङ्ग अध्यक्ष आनन्द सागर तिंसिनाले जनाउनुभएको छ ।
आफुले गरेको कामको सम्मान स्वरुप आफु र आफ्नो संस्थालाई महासंघले सम्मान गरेकोमा आफु महासंघ प्रति आभारी रहेको अध्यक्ष सुवेदिले जनाउनु भयो ।
अध्यक्ष सुवेदीले आफु निर्वाचित भएदेखि नै वसन्त हरियाली सामुदायिक वनमा धेरै नमुनाका काम गर्दै आईरहेको स्थानिय उपभोक्ता टेकनाथ निरौलाले जनाएकाछन् ।
